هااااااااااام جدا لكل العرايس

مزاجى : تاريخ التسجيل : 01/01/1970

ازاى تعرفى جوزك او خطيبكم من طريقة اكلة

بصراحة فيه رجالة ....بيجيلهم حالة صرع مغولى فى الاكل بعد الجواز
ومش عارف نفسهم بتتفتح على ايه .....اظاهر ان الخناق والمشاكل الزوجيه بتخليهم طفسين

المهم يا ستات المستقبل......... خلوا بالكم كويس من عرسانكم وعليكن بمراقبتهم والبحلقة ليهم وهما بياكلوا

بس بقولك ايه انتى وهى ده يكون من تحت لتحت يعنى ما تخلهوش يحس انك بتراقبية بدل ما يجيله تلبك او مغص معوى وتلبسى انتى وعينيك الموضوع

ولا تلاقيه بيقولك انتى باصالى فى اللقمة اللى بطفحها
ويقوم حادف الشوكة والسكينة فى وشك والواحد ما يضمنش العواقب ..اه

بصى يا ستى انتى تعزميه على الغدا ولا اقولك خليها عشاء علشان يبقى اوفر ...وما تغرميش كتير

واول ما يبدا ياكل ويحط ايده فى الطبق

خدى بالك كويس ....وشوفيه يا ترى بياكل زى الناس العاديين فى خمس دقايق
ولا اقعد نص ساعة زى الناس الخارقة للطبيعة؟؟

لو لقيته بياكل وبيخلص فى وقت مناسب وبيهتم يقولك رايه فى الاكل

كده يبقى انسان معتدل وطبيعى وتمسكى فيه بايدك وسنانك وعلى الماذون طيران

اما لو قعدتى تزغوريله ولقيته بياكل واحدة واحدة... وتاته تاته وعلى مهله على الاخر
ولا اللى مورهوش حاجة وقعد فى الاكل حاجشتاشر ساعة

وتساليه خلصت يقولك ومستعجلة على ايه ....هو احنا ورانا حاجة ؟؟ ويقعد يمزمز
ويمصمص ويسال على المقادير علشان هيروح يجربها

ده لازم تطرديه من بيتكم فورا ....وتقوميه من على الاكل غصب عنه
ويستحسن لو ترميله الشبكة فى وشه وتقوليله ماتعتبش هنا تانى

لانه يبقى انسان بارد وان شاء الله لو اتجوزتيه... وسالتيه على حاجة هيرد عليكى بعد 90 سنة
والنوع ده يجيب الضغط والسكر والمرارة

اما لو لقيتيه بياكل ويخلص بسرعة جدا

وعقبال ما انتم تقعدوا على السفرة يكون هو خلص وبيغسل ايديه

وتقوليله انت كده كلت يقولك اصلى بحب اكل بسرعة زى كل الناس اللى فى الدول المتقدمة... وتلاقيه كل وحلى وشرب الشاى وهيروح وانتم لسه ما حطيتوش ايدكم فى الطبق

ده طبعا انصحك بانك ما تتجوزهوش ...لانه يبقى انسان متسربع على عمره ...ومتهور وطايش

ولو فكرتى تتجوزيه ومفيش غيره ادامك امرك الى الله
بس تاكدى انه ممكن يطلقك يوم الصباحية
ويقولك (مش انتى الانسانة اللى كنت بدور عليها)... وبكده يبقى اتخلص منك بدرى بدرى

اما لو لقيته قبل ما ياكل بيغسل ايده عشرين مرة بديتول وفينيك
وكل شوية يبص فى الطبق قبل ما ياكل وعمال يسال (الاكل ده اتعمل ازاى
وفين وامتى ومين اللى شارك فى طبخه؟؟
وكانت غاسلة ايدها بمطهر ولا لا والطبق مصدره منين وبكام وخامته ايه ؟؟؟؟)وفى الاخر ما ياكلش

فده تاخدى بالك منه كويس... اوى لانه هيقرفك من الدنيا واللى فيها
وهتلاقيه جايب سنارة وقاعد يصطاد من الطبق ..ومصروف البيت هيضيع على المنظفات
واحسنلك انك تسيبيه فورا لانه هيعلك. ويشلك ويجبلك الهسهاس
والنوع ده يبقى عايز بيت زجاجى معقم.... وممرضة مش زوجة

اما لو لقيته انسان هادى وبياكل عادى ولا بيهش ولا بينش
وكل ما تقوليله الصنف ده حلو؟؟ يرد يقولك هايل طيب دوق من ده...يقولك حلو اوى
طيب ايه رايك فى المكرونة دى؟؟؟؟ وتبقى معجنة وكل مكروناية لوحدها
يرد يقولك جميلة جدا........ تسلم ايدك
طيب والفراخ حلوة كده؟؟ يقولك كل اللى تعمليه فظيع

لازم تعرفى انه انسان مالوش كلمة ولا هيهش ولا هينش فى البيت
وتعرفى انك هتكونى المتصرف الوحيد والحاكم الامر الناهى
وده طبعا فيه ستات بتموت فى النوع ده......... ويا بختهم بيه لان الواحدة منهم هتقعد وتدلدل رجليها ولا حد
هيقولها بتعملى ايه

واما لو لقيته كل ما يجىء يزوركم يقولك (الله ايه الحلاوة دى؟؟)
تقومى انتى تنشكحى اوى وتزقططى فاكراه بيعاكسك
يقوم يقولك الله على ريحة التقلية ولا المحشى ريحته تجنن

تقومى تبصيله تزغوريله وتقوليله ....نعم ... افندم ....يقولك ايه يا عروستنا

هااااااااااام جدا لكل العرايس Ba7ebak_06

....انتم مش عازمينى على الغدا ولا اقوم اروح ؟؟
انا شامم ريحة الملوخية والبط كمان دى ريحتكم جايبة اخر الشارع

ولما يقعد على السفرة تلاقيه مزقطط وفرحان ......ولا اللى جاتله علاوة

وعمال يدب فى الاكل.... شوية ......محمر...... وحبه مشمر وكل شوية يقولك لا احنا لازم نستعجل على الجواز
مش علشان بيحبك ولا علشان خاطر عيونك لا علشان.... مفيش حد فى البيت يطبخله
وتبصى تلاقى نفسك قاعدة مع فيل على السفرة..... عمال يحشر فى بطنه لحد ما يجيله انتفاخ
ده بقى لازم تتاكدى انه ما ينفعش خالص
وانه عايز مطعم يعيش فيه مع الديوك والفراخ والبط .......مش يعيش فى بيت
وانه طفس وهمه على بطنه ..... كمان لازم تعرفى انك لو اتجوزتيه هترجع بيت ابوكى ناقصة ايد او رجل
لانه من المحتمل انه لو جاع ومالقاش اكل......... هياكلك انتى

اما لو لقيته من النوع اللى كل شوية يقولك (السمن كتير فى الاكل
يا ريت لو ما تحطيش سمن خالص ........علشان الكوليسترول

وايه الزيت ده ياريت ما تستعمليش الا زيت زيتون ودرة ........علشان الزيت العادى بيجبلى حموضة
ولو اكلتيه حلويات يقولك خفى السكر شوية انت بتاكلينا عسل ؟؟ السكر غلط يجبلنا المرض

خفى التقلية بتاعة الملوخية ومالها الملوخية واقعة تحت ليه والشوربة فوق؟؟
التسبيكة فيها حاجة غلط ....محشى الفلفل حراق والبتنجان مكعور والصباع كبير ......ايه اللى انتى مهبباه ده اللحمة نيه والاكل بيقرقش)

النوع ده طبعا انا مش هوصيكى عليه........... اكيد كلكم عارفين هتعملوا معاه ايه ؟؟
طبعا وهو نايم من البلكونة عدل
ولو الجيران نادوا عليكى ولا كانك هنا .........وكانك جالك طرش مزمن
ولو اتحيلوا عليكى معلش تعالى على نفسك وباجدع سكينة عندك

يارب بقى تكونوا استفدتم وتقدروا تختاروا صح
مع انى عارف ان فى الوقت ده ...........مفيش حاجة اسمها اختيار ......والواحدة منكم يا عينى ما بتصدقش تلاقى خيال راجل
وتمسك فيه بايدها وسنانها ........ طفس طفس .......مفجوع مفجوع
المهم تتجوز بس انا حبيت انبهكم علشان ما تتصدموش

بس خليكم عارفين " اقرب طريق الى قلب الراجل معدته"

هههههههـ موضوع تحفه
بجد هااااايل
وكمان مفيد للبنات فى المستقبل
بس اكيد يا ابو الخير كل الكلام اللى انت قولته ده هيتطبق عليك انت كمان
هههههههـ انا بصراحه ماكنتش اتوقع ان ولد هو اللى يجيب موضوع زى ده
بصراحه موضوع مفيد لينا اوى يا بنات
ميرسي ابو الخير جدااااااااااااا
افادكم الله
ميرسي كتييييييير

مزاجى : تاريخ التسجيل : 01/01/1970

هههههههههههههههههههههههههههه
انا جبت الموضوع ده لان ما فيش ولا حاجه من ى تنطبق عليا
ممكن ناس تانيه لكن مش انا

والله كلكم واااااااااحد
ماتفرقوش عن بعض
يلا هنعمل ايه بس قدرنا ونصيبنا

عندك حق يا دودى بس الرجالة كلهم كدة
بس مش تنكرى الموضوعى مهم حداااااااا وحلووووووووووووووووو قوى
اصلا كل البنات لازم تقراءة اللى فى المنتدى وخصوصا صحبتناة ايها عرفتها

مرسيى ابو الخير تسلم ايدك

مزاجى : تاريخ التسجيل : 01/01/1970

بقى كده يادودى شكرا لو عرفتنى كويس مش هتقولى كده
بس ربنا بسامحك
لابجد زعلتينى

مزاجى : تاريخ التسجيل : 01/01/1970

بقى دى جزاتى اوك براحتكوا شكرا ريموندا

جزاتك اية انا م فاهمة ومش قولت حاجة واللة
خالص تزعل اى حد منى

مزاجى : تاريخ التسجيل : 01/01/1970

اقرى ردودكم كويس وهتعرفى

اة على العموم انا اسفة لكم يا جماعة اوكى مش كل الرجالة كدة فية رجالة مش طفسين ومش بياكلوا

Iam sorryyyyyy
سورى والله مش اقصد
خلاص يا ابوالخير والله ده موضوع تحفه بجد
ومن احسن المواضيع فى المنتدى كمان
بس مش تتغر بقي هههههههــ
انا كنت بهزر والله
خلاص يا ريمو ابو الخير مش منهم خااالص
الله اعلم انا مش اعرفك اصلا هههــ
وسورى مره كمان

مزاجى : تاريخ التسجيل : 01/01/1970

اوك برغم انى كنت زعلان بجد منك بس خلاص

ok
المسامح كريم بردو ولا ايه

sorrrrrrrrrrrrry
انا اسفة جداااااااااااا بس بجد الموضوع دة تحفة وانا مكنش قصدى ومواضيعك اصلا كلها جنان ودة موضوع مهم جداااااااااااا وانتة مش من الرجالة دى ومش بتاكل كتيرررررررررررررر ولا حاجة بس اللة اعلم احنا يعنى مش نعرف كل الرجالة اللى بياكلوا كتير ولا لا
على العمومممممممiam so sorryyyyyy هااااااااااام جدا لكل العرايس 564408

مزاجى : تاريخ التسجيل : 01/01/1970

اية يا ابو الخير المسامح كريم بقة ولا انت مش كريم ولا اية
ياريت تكون قبلت اعتذارى

مزاجى : تاريخ التسجيل : 01/01/1970

طبعا المسامح كريم وانا قبلت اعتذارك

ماشى مرسيى جدااااا انك قبلت الاعتذار ابو الخير