علشان خاطرى قلب كويس!!!!!

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى

فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت

يعنى لو كنت قلبت شوية كان زمانى شربت شاى مظبوط ..

تعالى كده نفصص المشكلة دى

اول حاجة المشكلة ايه :

( انى ما عرفتش اشرب شاى مظبوط )

طيب وايه السبب ؟!

( 1 ) انى ما قلبتش الشاى كويس وانا بعمله ..

(( يعنى استهترت وانا بعمل الحاجة ))

(2) انى كسلت اجيب سكر تانى

(( يعنى اتكاسلت عن حل المشكلة رغم انها فى ايدى ))

طيب والنتيجة ايه (( نتيجة المشكلة والاسباب اللى ادت ليها ))

- النتيجة انى ما استمتعتش بالشاى ..

- وانى ضيعت مجهودى وما وصلتش للنتيجة اللى عايزاها
_____________________________

عارفين ان كلنا بنعمل الحركة دى بطرق مختلفة ؟؟

كتيييييييييييييييييير اوى بنستهتر واحنا بنعمل شغلنا ..
وكتيييييييييييييييييير اوى بنكسل نحل المشاكل رغم ان حلها فى ايدينا

وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية

علشان كده علشان خااااااااااااااااااطرى اضغط على نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى النتيجة هتفرق كتير[/size]

شكرا على المرور والرد
ويارب المنتدى يكبر ويبقى اكبر منتدى ياااااارب

نصيحه من دهب

بجد لازمـ ناخد بالنا من تصرفاتنا علشان مش نقع فى الغلط

ميرسى زيزو

لا ميرسى على واجب
منورة التوبيك

من بعض ما عندكم منورة التوبيك

منورة يا دعاء والله
والنصيحه شغال بيها والله
ومع كل كوبايه شاى بأخد معاها معلقه هديه علشان متعبش نفسى

شكرا على الموضوع يا زيزو موضوع جامد
و المشكله دى بتقابلنى كتير واقول يريت ال جرااااااا مكان

ايه يواد الردود الجمده دى تسلمى
ومنور التوبيك

منور يا واد ياحمد
بس انا بشهد الناس الموجوده معانا هنا
وحياة ابوك علشان خطرى قلب الشااااااااااااى كويس هههههه
منور التوبيك

منوره التوبيك يا ميرووووووووووو

كلنااااا مع منتخب مقلبى الشاى