كان نفسك؟ ونفسك فى ايه ؟؟

السلام عليكم
من اسبوعين زى بكره كده ان شاء الله
كنت قاعد من مجموعه من اصحابى احسبنا على خير ان شاء الله

دائما اى لمه مع اصحابى يا اما بتكون عليااااا اوووووووووى وبتكلم اكننا
احسن من اى مثقفين فى العالم كله كان نفسك؟ ونفسك فى ايه ؟؟ 115

اووووو بتكون قعده كلها لعب بلاى يستيشن وبس كان نفسك؟ ونفسك فى ايه ؟؟ 104

الحمد لله القعده المره دى كانت تمام ..فى البدايه القعده كانت عاديه
بس واحد منا فجأه راح قايل ايه رأيكم هقلكم على حاجه
كل واحد مننا يقلنا
امنيه كان نفسه يعملها ويحققها ولكن اصبحت مستحيله
وامنيه تانيه نفسه يعملها ولسه فى ايده وممكن انه يعملها
؟؟؟؟؟
واهو نكون استفدنا من القعده ومن كلامنا . اكيد هنفيد بعض
واهو نعرف بعض اكتررررررررر واكتررررررررررر
قلت فى عقل بالى يااااااااااه حلوه الفكره او اللعبه
بصدق كنت عارف انا هقول ايه
وأبتدينا الكلام كان جميل اووووووووى
ــــــــــــــــــــــــــــــــ
اول واحد قال
انا كان نفسى اكون الاول فى كليتى كان حلم كان نفسى اكون الاول واتعين فى الكليه
وده كان كليه صحافه واعلام
طبعا مسبنهوش ؟؟؟ قلنالوا ليه معملتش كده
قال وبكل صراحه كليتى نظريه يعنى كان يكفينى اذاكر قبل الامتحان ب 20 يوم واجيب تقدير جيد
وعلشان اكون الاول كان لازم اذاكر طول ايام الدراسه وده كان مستحيل
لانه كان هيتعارض مع شغلى وانا مسئول عن اسره بأكملها
فمكنش ينفع اسيب الشغل فأضطريت اوازن العمليه بين المذاكره والشغل
والحمد لله
والامنيه المستقبليه ال نفسه يعملها هى انه يكون
رائيس جمهوريه مصر العربيه محدش يضحك؟؟ اكيد ممكن
وده كان الاول
ــــــــــــــــــــــــــــــــــــــــــــــــــ ـ
التانى قال كان نفسى فى حاجه بس خلاص معدش ينفع
كان نفسى اكون شخصيه افضل من شخصيتى
ملحوظه( الشخص ده افضل واحد فينا فى الشخصيه)
قلنالوا ليه بتقول كده ده انت افضلنا
قال كلكم تعرفونى كويس اوى بس انا اعرف نفسى اكتر منكم
مواقف كتير كان نفسى اكون احسن فيها منى
امنيه غريبه بس راااااائعه
والامنيه القابله للتحقيق
قال ان ربنا يكرمنى بزوجه زى ما انا عاوز حاجه كده ملهاش وجود
بس انا عارف وعندى يقين تام ان ربنا هيكرمنى بيها
وده كان الدكتور محمد
كليه طب الازهر
ـــــــــــــــــــــــــــــــــ
التالت قال انا كمان كان نفسى اكون الاول فى كليتى
زى ما كنت اول الثانويه العامه
بس انا ال قصرت وخلاص معدش ينفع
وده كليه طب بردو
طيب وايه الامنيه ال ممكن تحققها
الراجل قال انا حاطط لنفسى ان شاء الله وانا عندى 30 سنه هكون ايه
ربنا يعنى واقدر احقق
قلناله وعاوز تكون ايه
قال شخصيه عمليه مجتهده مثل الاستاذ عمر خالد بس مش عمر خالد
اكون زيه فى اجتهاده وعمله بش بشخصى وعملى اناااااا
قلنالوا وبعد ال 30 قال رئيس الجمهوريه ان شاء الله ههههههه
وده كان الرابع
ــــــــــــــــــــــــــــــ
جه دور الخامس وقال
انا كان نفسى اكون طبيب نفسى بس للاسف معدش ينفع الطب النفسى
سألوا وقالوا طيب ليه مسعتش وانت فى الثانويه لكده ؟؟؟
قال حاجه مهمه جدا
قال مشكله كبيره فينا كلنا وهى
اننا بالفعل كشباب فى سن الثانويه العامه مبنكنش عندنا الوعى التام ال يخلينى نعرف احنا عوزين ايه وده فى حد زاته اكبر مشكله
لاننا بنكون زى ما الظروف بتكون عوزانا تكون
وده ال حصل معايا
وده مش مشكله فيا انا لالالا
دى مشكلة مجتمع واسره واعلام وانا
طيب ايه هى امنيتك الممكنه
قال انى اكون حاجه ملهاش مثيل فى حفظ وفهم القرأن الكريم
وهيكون ان شاء الله
وده كان الخامس صاحب الشريعه والقانونـــــ
ـــــــــــــــــــــــــــــ
جه دو السادس والاخير وقال سريع سريع
امنيتى ال مش ممكن خلاص احققها هى حفظ القرأن ومحدش يسألنى ليه
والامنيه ال ممكنه انى اكون رئيس جمهوريه
وده صاحبى ال فى شريعه وقانون
ــــــــــــــــــــــــ
الجميل فى الاخير ده بتاع الشريعه والقانون
ان انا وهو كنا لوحدنا بعد القعده دى
فقلتله انت اشتغلتنى فى امنيتك ال مش ممكن تحققها دى
انت كنت عاوز تقول حاجه تانيه ومقلتش
الراجل قالى حاجه انا انبهرت بيها
قالى بصدق
انه كان نفسه لما اكون حاجه كويس اوووووووووووووى
يكون ابوه عايش واول واحد شايفه الحاجه الكويسه دى
بس اصبح مستحيل قلتله ليه مقلتش كده
قلى واقلب القعده مود حزن بئه وتعيطووووو ههههههه
معرفتش ارد عليه
رحم الله عم محمد
ـــــــــــــــــــــــــــــــــ
قعده جميله حبيت تشركونا فيها
ايه رايكم كل واحد منا يقول كان نفسه فى ايه ومعدش ينفع
وايه ال نفسه فيه وممكن يحققه
؟؟؟؟؟؟؟؟؟؟؟؟؟؟؟

</TD></TR>

انا الحمد لله لحد دلوقتى حققت اللى فى نفسى وراضيه عنه

ولسه باقى كمان حاجات منها تكمله الدراسه والسفر بره بحاول اسعى فى الموضوع ده

مفيش حاجه مستحيله طالما لسه فيه روح

شكرا عبد العزيز على موضوعك

ونصيحه اوعى نيأس لان ده معناه النهايه

» احترم نفسك
» اتحدى نفسك وجاوب
» لو واثق فى نفسك خش هناااااااااا
» اختبر نفسك بااستخدام حروف اسمك
» عاصفة الهايب والشركات الربحيه شركة Extra Income + اثباتات دفع رهيبه لن تصدق نفسك